Disgwyl achub gweddill bechgyn ogof Gwlad Thai

 

Y bechgyn yn yr ogof yng Ngwlad Thai, lle buon new’n gaeth am dair wythnos

Llun: AP

Mae disgwyl y bydd yr ymdrech i achub grŵp o fechgyn a’u hyfforddwr pêl-droed sy’n sownd mewn ogof yng Ngwlad Thai yn parhau heddiw (dydd Llun, Gorffennaf 9).

Mi gafodd pedwar bachgen eu cludo i’r wyneb ddoe, a hynny mwy na phythefnos ar ôl iddyn nhw fynd yn sownd yn yr ogof yn nhalaith Chiang Rai.

Yn ôl y swyddog o’r wlad sy’n arwain y tîm achub – sy’n cynnwys deifwyr o wledydd Prydain – mae’r ymdrech wedi mynd yn “well na’r disgwyl”, gyda’r bechgyn mwya’ iachus wedi cael eu cludo o’r ogof yn gynta’.

Mae’r awdurdodau wedi dweud bod disgwyl i gam nesa’ yr achub ddechrau yn ystod y 10 awr nesa’.

Mae glaw trwm wedi bod yn yr ardal trwy gydol y nos, ac mae disgwyl rhagor o stormydd trwy gydol yr wythnos.

Mae meteorolegwyr wedi amcyngyfri’ bod yna 60% o debygrwydd am law yn ardal Chiang Rai heddiw.

Dau aelod o Gymru

Mae dau aelod o dîm achub yng Nghymru ymhlith y deifwyr oedd wedi dod o hyd i’r grŵp yn yr ogof.

Aelodau o Dîm Achub Ogof De a Chanolbarth Cymru yw Rick Stanton a John Volanthen, ac yn cael eu cyfri’ ymhlith deifwyr gorau’r byd.

Daw Rick Stanton, sy’n ddiffoddwr tân, o Coventry, tra bo John Volanthen yn arbenigwr mewn Technoleg Gwybodaeth o Fryste.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed