Diego Maradona dan y lach yng Nghwpan y Byd

Diweddarwyd am  

Diego Maradona

Llun: Doha Stadium Plus Qatar CC 2.0 trwy Comin Wicimedia

Mae un o fawrion y byd pêl-droed, Diego Maradona wedi cael ei feirniadu ar ôl codi ei fysedd canol ar gefnogwyr yn ystod gêm yng Nghwpan y Byd yn Rwsia.

Fe wnaeth hynny ar ôl i’r Ariannin sgorio’r gôl fuddugol yn erbyn Nigeria nos Fawrth. Enillodd yr Ariannin o 2-1.

Nid dyma’r tro cyntaf yn ystod y gystadleuaeth iddo ddwyn sylw am y rhesymau anghywir.

Yr wythnos ddiwethaf, dywedodd y newyddiadurwraig Jacqui Oatley iddo sarhau cefnogwyr De Corea drwy wneud ystumiau â’i lygaid.

Wrth ymateb i’r digwyddiad diweddaraf, dywedodd y cyflwynydd Gary Lineker fod ei weithred yn “chwerthinllyd”, ac fe ychwanegodd Dan Walker na ddylai’r camerâu dynnu sylw ato yn y dorf yn ystod gemau.

Iechyd

Roedd pryderon am ei iechyd ar ôl y gêm neithiwr, wrth iddo dderbyn triniaeth yn y stadiwm.

Roedd e’n sigledig ar ei draed wrth dderbyn cymorth i adael ei sedd ar ddiwedd y gêm, ac roedd lle i gredu iddo gael ei gludo i’r ysbyty – ond mae e wedi gwadu hynny.

Yn ôl y chwaraewr sy’n cael ei gofio am y gôl ‘Hand of God’ yn erbyn Lloegr, roedd ganddo fe boen yn ei wddf ac fe gafodd e driniaeth gan feddyg yn y fan a’r lle.

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed