Rhyddhau arweinydd yr wrthblaid o’r carchar yn Rwsia

 
Baner Rwsia

Llun: Wikimedia Commons CC0

Mae arweinydd yr wrthblaid yn Rwsia, Alexei Navalny, wedi cael ei ryddhau o’r carchar ar ôl treulio 30 diwrnod dan glo am gynnal protest ‘anghyfreithlon’ yn Moscow.

Ddechrau mis Mai, fe gafodd cyfres o ralïau eu cynnal o dan anogaeth Alexi Navalny, a hynny ychydig cyn i Arlywydd y wlad, Vladimir Putin, gychwyn ar ei dymor newydd yn y swydd.

Mi gafodd protestiadau o dan y slogan, “nid fe yw ein tsar”, gael eu cynnal ledled y wlad ar Fai 5.

Mewn llys ym Moscow yn ddiweddarach yn y mis, mi gafodd Alexei Navalny ei ganfod yn euog o drefnu rali anghyfreithlon ac o geisio osgoi’r heddlu.

Derbyniodd 30 diwrnod o garchar am y troseddau, ac mae ei rhyddhau heddiw yn cyd-fynd â chychwyn cystadleuaeth Cwpan y Byd yn Rwsia.

Mae’r ymgyrchydd, sy’n un o wrthwynebwyr penna’ Vladimir Putin, wedi cael ei garcharu droeon yn y gorffennol am drefnu protestiadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?