Gobeithio am ‘ddyfodol newydd disglair’ i Ogledd Corea

Diweddarwyd am  

Kim Jong Un a Donald Trump yn arwyddo cytundeb

Llun: (AP /Evan Vucci)

Er bod Donald Trump yn gobeithio am ‘ddyfodol newydd disglair’ i Ogledd Corea, mae ansicrwydd ynghylch sut bydd y cytundeb rhyngddo a Kim Jong Un yn cael ei wireddu.

Yn yr uwchgynhadledd hanesyddol ddoe, roedd y ddau arweinydd wedi arwyddo datganiad ar y cyd yn cytuno i weithio at gael gwared ar arfau niwclear o benrhyn Corea.

Gan fod Donald Trump wedi cydnabod na fydd hyn yn digwydd dros nos, mae Gogledd Corea o’r farn fod hyn yn golygu ei fod yn cefnu ar ei alwad am ddad-niwcleareiddio llwyr cyn codi gwaharddiadau yn erbyn y wlad.

Mae Donald Trump hefyd wedi addo rhoi’r gorau i ‘gemau rhyfel’, wrth gyfeirio at yr ymarferion milwrol mae byddinoedd America a De Corea yn eu cynnal yn rheolaidd.

Nid yw’n glir fodd bynnag i ba raddau mae’r Pentagon a De Corea wedi cytuno i hyn.

Stad o ryfel

Yn dechnegol, mae Gogledd Corea a’r Unol Daleithiau mewn stad o ryfel ers 68 mlynedd gan na wnaed unrhyw gytundeb heddwch ar ddiwedd rhyfel y wlad yn yr 1950au, and nid yw’r cytundeb ddoe yn manylu ar sut i ddod â hyn i ben.

Dywed Donald Trump y bydd trafodaethau’n cychwyn yr wythnos nesaf rhwng tîm o’i swyddogion a Gogledd Corea tuag at gytundeb llawnach.

“Mae’r uwchgynhadledd wedi dangos bod newid gwirioneddol yn bosibl,” meddai mewn neges Trydar wrth ddychwelyd i America.

“Mae’r posibiliadau’n ddiderfyn i NoKo pan fydd yn rhoi’r gorau i arfau niwclear a chofleidio masnach.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?