Archesgob yn Awstralia yn euog o gelu achosion o gam-drin plant

 

Llun: CC0

Mae archesgob yn Awstralia wedi cael ei ganfod yn euog o gelu achosion o gam-drin plant o fewn yr Eglwys Gatholig yn y 1970au.

Archesgob Adeilaide, Phillip Wilson, yw’r clerigwr Catholig uchaf ei statws i gael ei ddedfrydu am y fath gyhuddiad, ac fe all wynebu dwy flynedd o garchar.

Fe gafodd y clerigwr 67 oed, sy’n dioddef o glefyd Alzheimer, ei ddedfrydu yn Llys Lleol Newcastle sydd tua’r gogledd o Sydney, yn dilyn achos llys.

Roedd wedi pledio’n ddieuog i ddau gyhuddiad o gelu gwybodaeth am drosedd a gafodd ei gyflawni gan gydweithiwr iddo, sef yr offeiriad James Fletcher, a wnaeth gam-drin dau blentyn allor yng nghanol y 1970au.

Yn ôl yntau, doedd ganddo ddim cof am y ddau fachgen yn cyfaddef iddo eu bod nhw wedi cael eu cam-drin gan ei gydweithiwr.

Ond fe ddywedodd y barnwr fod un o’r ddau fachgen, sef Peter Creigh, wedi bod yn dyst “gonest a dibynadwy”.

Yr achos yn parhau

Mae Phillip Wilson ar hyn o bryd wedi’i ryddhau ar fechnïaeth, ac fe fydd ym ymddangos gerbron y llys unwaith eto ar Fehefin 9.

Mewn datganiad gan yr Eglwys Gatholig, mae’r archesgob wedi dweud ei fod yn “siomedig” â’r dyfarniad.

“Fe fydd rhaid imi yn awr ystyried y rhesymau ac ymgynghori â’m cyfreithwyr i benderfynu ar y camau nesaf,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed