Ymgyrchwyr gwrth-erthyliad yn ‘camddefnyddio’ lluniau

Diweddarwyd  

Leo Varadkar, Taoiseach Iwerddon

Llun: Llywyddiaeth Estonia o’r Undeb Ewropeaidd EU2017EE, CC BY 2.0, https://commons.wikimedia.org/w/index.php?curid=64496090

Mae Taoiseach Iwerddon wedi beirniadau ymgyrchwyr gwrth-erthyliad am ddefnyddio lluniau o blant â Syndrom Down mewn posteri ar gyfer y refferendwm yn y wlad.

“Dyw hyn ddim yn iawn oherwydd rydym wedi ei gwneud yn glir iawn yn y ddeddfwriaeth a gynigiwn na fydd anabledd yn sail dros ddiweddu beichiogrwydd,” meddai Leo Varadkar.

“Dw i’n meddwl bod hyn yn un o sawl ymgais gan yr ymgyrch Na i greu dryswch.”

Fe fydd etholwyr Iwerddon yn cael pleidleisio ar ddiddymu wythfed gwelliant cyfansoddiad y wlad – sy’n gwahardd erthylu – ar 25 Mai.

“Nid yw’r gwelliant wedi gwahardd erthylu mewn gwirionedd,” meddai Leo Varadkar.

“Mae naw neu ddeg o ferched yn teithio bob dydd i’r Deyrnas Unedig i ddiweddu eu beichiogrwydd ac mae merched yn prynu tabledi fwyfwy ar y rhyngrwyd ac yn eu cymryd gartref, sy’n sefyllfa eithaf peryglus.

“Dw i’n credu y dylem wynebu realiti erthylu a’i ddarparu yn ein gwlad ein hun ond gyda’r cyfyngiadau angenrheidiol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd