Bill Cosby yn wynebu treulio gweddill ei oes yn y carchar

Diweddarwyd am  
Y digrifwr Bill Cosby

Y digrifwr Bill Cosby

Llun: Wikipedia CC 2.0

Mae’r digrifwr Bill Cosby yn wynebu treulio gweddill ei fywyd yn y carchar ar ôl ei gael yn euog o ymosod yn anweddus ar ddynes yn ei gartref yn 2004.

Cafwyd Bill Cosby, 80, oed yn euog ddydd Iau o roi cyffuriau ac ymosod yn rhywiol ar Andrea Constand yn ei dy yn Philadelphia ym mis Ionawr 2004.

Mae’n dilyn blynyddoedd o ymchwiliadau ac achosion yn erbyn yr actor yn sgil honiadau gan fwy na 60 o ferched a oedd wedi dweud bod Bill Cosby wedi rhoi cyffuriau iddyn nhw cyn ymosod arnyn nhw, dros gyfnod o bum degawd.

Ond cafodd y rhan fwyaf o’r honiadau eu hanwybyddu cyn i ymgyrch #MeToo roi sylw i achosion o aflonyddu rhywiol gan nifer o ddynion dylanwadol.

Mae Bill Cosby yn fwyaf adnabyddus am chwarae Dr Cliff Huxtable yn The Cosby Show.

Cafodd ei ryddhau ar fechnïaeth wrth iddo aros i gael ei ddedfrydu. Mae’n wynebu cyfnod o 30 mlynedd dan glo.

Mae ei gyfreithiwr wedi dweud y bydd yn apelio yn erbyn y dyfarniad.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?