Syria: gwrthod cynnig Rwsia gerbron y Cenhedloedd Unedig

Diweddarwyd am  

Baner Syria

LLun: CCO

Mae Cyngor Diogelwch y Cenhedloedd Unedig wedi wfftio cwynion Rwsia fod y cyrchoedd awyr tros Syria yn rhy “ymosodol”.

Dim ond tair gwlad – Rwsia, Tsieina a Bolifia oedd wedi cefnogi’r cynnig ar ddiwedd cyfarfod brys o’r Cyngor ddydd Sadwrn – cyfarfod a gafodd ei alw gan Rwsia. Pleidleisiodd wyth gwlad yn erbyn y cynnig, a thair gwlad wedi ymatal.

Mae angen o leiaf naw pleidlais cyn bod cynnig yn cael ei gymeradwyo.

Cynhaliodd yr Unol Daleithiau, Prydain a Ffrainc gyrchoedd yn dilyn yr ymosodiad cemegol ar ddinas Douma yr wythnos ddiwethaf, pan gafodd 41 o bobol gyffredin eu lladd.

Roedd Llysgennad Rwsia i’r Cenhedloedd Unedig wedi cwyno fod yr ymosodiad wedi digwydd heb aros am ganlyniadau ymchwiliad, ac maen nhw wedi cyhuddo’r tair gwlad o “hwliganiaeth”.

Dywedodd llysgennad yr Unol Daleithiau fod y neges sy’n deillio o’r cyrchoedd yn “glir fel crisial”, sef na fyddan nhw’n godde’r defnydd gan yr Arlywydd Bashar Assad o arfau cemegol. Roedd hi hefyd wedi cyhuddo Rwsia o amddiffyn arlywydd Syria.

Mae disgwyl i’r tair gwlad gyflwyno cynnig maes o law i fynd i’r afael â sefyllfa Syria.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?