Facebook “heb wneud digon” i ddiogelu data

 

Mark Zuckenberg

Llun: Brian Solis, www.briansolis.com , CC trwy Gomin Wicimedia

Mae pennaeth Facebook wedi cyfaddef bod ei gwmni “heb wneud digon” i ddiogelu manylion eu defnyddwyr ac atal pobol rhag cymryd mantais o’r safle.

Daeth sylw Mark Zuckerberg yn ystod sesiwn â Chyngres yr Unol Daleithiau, lle bu’n ateb cwestiynau yn gysylltiedig â sgandal Cambridge Analytica – cwmni wnaeth, o bosib, cael gafael ar ddata miliynau.

“Fy nghamgymeriad i oedd hynna, a dw i’n ymddiheuro,” meddai. “Fi dechreuodd Facebook, fi sy’n rhedeg y cwmni, a fi sy’n gyfrifol am yr hyn sy’n digwydd yna.”

Bellach mae’r pennaeth wedi addo ymchwilio i ddeunydd ar y wefan a allai fod wedi galluogi cwmnïau eraill i gipio manylion defnyddwyr heb eu caniatâd.

“Ras arfau”

Pwnc arall wnaeth godi yn y sesiwn oedd ‘newyddion ffug’, gyda Mark Zuckerberg yn dweud ei fod yn “difaru” peidio mynd i’r afael a’r broblem yn ystod etholiad arlywyddol 2016.

Dywedodd bod ymgyrch ffug wybodaeth Rwsia wedi dechrau “tua’r adeg yna”, a bod y cwmni bellach wedi datblygu meddalwedd i fynd i’r afael a hynny.

“Mae yna bobol yn Rwsia sy’n cael eu cyflogi i danseilio ein sustemau … felly ras arfau yw hyn,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd