Ysgrifennydd Gwladol yr Unol Daleithiau yn colli’i swydd

Diweddarwyd am  

Rex Tillerson

Llun trwy Gomin Wicimedia

Mae Ysgrifennydd Gwladol yr Unol Daleithiau, Rex Tillerson, wedi colli ei swydd wrth i’r Arlywydd, Donald Trump, ddweud bod y ddau’n “anghytuno ar bethau”.

Wrth gyfeirio at yr “anghytuno” hwn, cyfeiriodd Donald Trump at y gwahaniaethu barn rhyngddo â’i ysgrifennydd gwladol ynghylch y cytundeb niwclear rhwng yr Unol Daleithiau ac Iran.

Fe gafodd y cytundeb ei wneud cyn i Donald Trump gyrraedd y Tŷ Gwyn, lle gwnaeth Iran gytuno i arafu ei chynllun ar gyfer arfau niwclear pe bai’r Unol Daleithiau yn ysgafnhau’r sancsiynau economaidd yn ei herbyn.

Ond mae’r Arlywydd presennol wedi cyfeirio’n aml at y cytundeb hwn fel “dêl gwael”, gan fygwth dod a’r cytundeb i ben.

Ac ar ôl gwneud yr un bygythiad mewn cyfarfod heddiw (Mawrth 13), fe ddywedodd Donald Trump fod ei Ysgrifennydd Gwladol yn “teimlo ychydig yn wahanol, felly dy’n ni ddim yn meddwl yr un peth.”

Ychwanegodd hefyd ei fod wedi gwneud y penderfyniad i ddiswyddo Rex Tillerson “ar ben ei hun”, ac y bydd y cyn-Ysgrifennydd “tipyn yn hapusach o hyn ymlaen”.

Pennaeth y CIA i’w olynu

Mae Mike Pompeo, Prif Gyfarwyddwr y CIA, wedi cael ei benodi’n Ysgrifennydd Gwladol newydd, gyda Donald Trump yn dweud y byddai’n gwneud “jobyn ffantastig”.

Mae dirprwy gyfarwyddwr y CIA, Gina Haspel, wedi cael ei henwebu i’w olynu yn ei hen swydd, ac os bydd hi’n llwyddiannus, hi fydd y ddynes gyntaf i fod yn bennaeth ar y CIA.

Yn ôl un o swyddogion yr adran wladol, doedd Rex Tillerson ddim yn gwybod y rhesymau y tu ôl i’w ddiswyddiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed