Dathlu Diwrnod Mamiaith Rhyngwladol heddiw

Diweddarwyd am  

Ieithoedd

Llun: CC0 oddi ar wefan www.pixabay.com

Mae heddiw’n Ddiwrnod Mamiaith Rhyngwladol, wrth i UNESCO geisio hyrwyddo amrywiaeth ieithyddol ar draws y byd.

Caiff y diwrnod ei nodi bob Chwefror 21 ers bron i 20 mlynedd, ac mae UNESCO yn gwahodd gwledydd i ddathlu mewn cynifer o ieithoedd â phosib ac yn ategu eu neges fod amlieithrwydd yn hanfodol i ddatblygiad yr unigolyn.

Mae hybu addysg ddwyieithog – neu amlieithog – yn un arall o’i amcanion wrth i fwy o ieithoedd wynebu’r perygl o gael eu colli.

Yn ôl UNESCO, mae un o ieithoedd y byd yn diflannu bob pythefnos, sydd hefyd yn dileu diwylliannau.

Eleni, mae UNESCO yn dathlu 70 mlynedd ers y Datganiad Hawliau Dynol Byd-eang, sy’n mynnu na ddylid gwahaniaethu yn erbyn unrhyw un ar sail yr iaith mae’n ei siarad. Mae’r datganiad wedi’i gyfieithu i fwy na 500 o ieithoedd y byd.

Digwyddiadau

I ddathlu’r diwrnod, mae UNESCO wedi trefnu dadl yn ei bencadlys ym Mharis ar y thema ‘Ein hieithoedd, ein hasedau’. Mae wedi’i threfnu ar y cyd â’r Organisation Internationale de la Francophonie (Sefydliad Rhyngwladol Gwledydd lle siaredir Ffrangeg).

Mae UNESCO yn annog pobol i ddathlu’r diwrnod drwy annog plant i siarad eu mamiaith drwy gyflwyno eu teuluoedd a’u diwylliant yn yr iaith honno, darllen cerdd neu stori neu canu cân yn eu mamiaith.

Wrth gyfathrebu â’i gilydd, mae myfyrwyr wedi’u hannog i drafod â’i gilydd pa ieithoedd maen nhw’n eu siarad ar ffurf holiadur, a chyhoeddi’r canlyniadau ar y we.

Maen nhw hefyd yn cael eu hannog i drefnu digwyddiadau diwylliannol lle mae’r iaith yn rhan ganolog ohonyn nhw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed