Chwaer Kim Jong Un yn cyrraedd De Corea

 
Arweinydd Gogledd Corea yn gwenu ar ymweliad â Berlin

Kim Jong Un

Llun: CC SA 2.0 trwy Commons Wikimedia

Mae chwaer Kim Jong Un ac uwch swyddogion eraill o Ogledd Corea wedi teithio i’r De ar gyfer Gemau Olympaidd y Gaeaf yn Pyongchang.

Kim Yo Jung yw aelod cyntaf y teulu sydd mewn grym yng Ngogledd Corea i ymweld â’r De ers rhyfel Corea yn 1950-53.

Mae disgwyl iddi hi, ynghyd â phennaeth y wladwriaeth mewn enw, Kim Yong Nam, sy’n 90 oed, gwrdd ag Arlywydd De Corea, Moon Jae-in dydd Sadwrn mewn cinio yn ei balas arlywyddol.

Mae’r ddirprwyaeth o Ogledd Corea, yn y De am dri diwrnod, gyda Moon Jae-in, yn gweld y gemau fel cyfle i adeiladu pontydd rhwng y ddwy wlad.

Ond mae rhai yn amau bod Gogledd Corea, sy’n annhebygol o roi’r gorau i brofi arfau niwclear, yn defnyddio’r Gemau Olympaidd i brocio tyllau yn y sancsiynau rhyngwladol yn erbyn y wlad a phrynu amser i ddatblygu mwy o arfau.

Mae dyfalu yn Ne Corea os bydd Kim Jong Un yn anfon neges bersonol i Moon Jae-in drwy ei chwaer, ac os byddai hynny’n cynnwys cynnig i gynnal cyfarfod rhwng y ddau arweinydd.

Mae Kim Yo Jung yn cael ei hystyried yn un o’r ychydig bobol sydd wedi ennill ymddiriedaeth lawn ei brawd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd