George W Bush: “Tystiolaeth eithaf clir” am Rwsia ac etholiad 2016

Diweddarwyd am  

George W Bush

Llun parth cyhoeddus

Mae cyn-Arlywydd yr Unol Daleithiau yn dweud bod yna “dystiolaeth eitha’ clir” bod Rwsia wedi ymyrryd yn yr etholiad Arlywyddol yn 2016.

Fe wnaeth George W Bush y sylwadau hyn wrth siarad mewn uwchgynhadledd yn Abu Dhabi, ac er na chyfeiriodd at yr Arlywydd, Donald Trump, yn uniongyrchol, roedd hefyd yn feirniadol o bolisi tramor presennol yr Unol Daleithiau o geisio twymo at Rwsia.

“Mae yna dystiolaeth eitha’ clir bod Rwsia wedi ymyrryd,” meddai. “P’un ai wnaeth hynny effeithio ar y canlyniad, mae hynny’n fater arall… Mae’n creu problemau pan mae gwlad tramor yn rhan o’n system etholiadol.”

Fe wnaeth y cyn-Arlywydd Gweriniaethol hefyd ddisgrifio Vladimir Putin, Arlywydd Rwsia, fel person sydd ag “asgwrn i’w grafu” â’r Unol Daleithiau.

“Y rheswm am hyn yw oherwydd bod cwymp yr Undeb Sofietaidd yn ei boeni,” meddai eto. “Felly mae llawer iawn o’i symudiadau’n ymwneud ag adfer awdurdod y Sofietiaid.”

Ymchwiliadau’n parhau

Mae’r asiantaethau gwybodaeth yn yr Unol Daleithiau eisoes wedi dod i’r casgliad bod Rwsia wedi ymyrryd yn yr etholiad yn 2016 er mwyn sicrhau bod Donald Trump yn ennill.

Mae ymchwiliadau yn dal i gael eu cynnal ar hyn o bryd er mwyn canfod os gwnaeth ymgyrch etholiadol Donald Trump gynorthwyo’r Kremlin yn hyn o beth.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd