Golden Globes: aflonyddu rhywiol yn hawlio’r sylw

Diweddarwyd am  
Gwobrau Golden Globes

Gwobrau Golden Globes

Llun: Gwefan y Golden Globes

Yn seremoni’r Golden Globes yn Los Angeles neithiwr yr helynt am achosion o aflonyddu rhywiol, sydd wedi siglo Hollywood i’w sail yn ystod y misoedd diwethaf, oedd yn hawlio’r sylw.

Roedd nifer o sêr yn gwisgo du fel arwydd o gefnogaeth i’r rheiny sydd wedi dioddef trais rhywiol, gyda nifer hefyd yn gwneud sylwadau am yr angen am gyfartaledd rhywedd.

Y actores, cynhyrchydd a chyflwynydd Oprah Winfrey a dderbyniodd gwobr anrhydeddus Cecil B DeMille, sef y ddynes groenddu gyntaf i ennill gwobr uchaf y Golden Globes.

Wrth iddi dderbyn y wobr, dywedodd ei bod hi’n medru gweld y dydd pan na fydd angen i ferched ddweud “fi hefyd” rhagor, gan gyfeirio at yr hashnod y bu merched yn eu defnyddio ar Twitter dros y misoedd diwethaf i ddweud eu bod nhw wedi cael eu haflonyddu’n rhywiol yn Hollywood.

Actorion o wledydd Prydain

Fe lwyddodd yr actorion Gary Oldman ac Ewan McGregor, ynghyd â’r cyfarwyddwr ffilm, Martin McDonagh, i gipio gwobrau.

Enillodd Gary Oldman yr actor gorau am ei ran yn portreadu Winston Churchill yn y ffilm Darkest Hour; Ewan McGregor yr actor gorau am chwarae gefeilliaid yn y gyfres deledu, Fargo; ac fe enillodd ffilm Martin McDonagh sef Three Billboard Outside Ebbing, Missouri, gyfanswm o bedair gwobr yn y categori ffilm.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?