Dedfrydu dyn o grefydd Baha’i i farwolaeth yn Yemen

Diweddarwyd  

Llun CC0 trwy Gomin Wicimedia

Mae dyn o’r grefydd Baha’i wedi’i ddedfrydu i farwolaeth mewn llys yn Yemen ar gyhuddiadau o ledaenu ei ffydd ac o ysbïo dros Israel.

Cafodd Hamid bin Haydara, sydd wedi’i garcharu ers mis Rhagfyr 2013, ei ddedfrydu dydd Mawrth mewn llys sydd wedi’i reoli gan rebeliaid yng nghanol y rhyfel cartref sydd wedi rhwygo’r wlad.

Mae elusen Amnest Rhyngwladol wedi galw ar awdurdodau Yemen i ddileu’r ddedfryd “greulon” yn syth.

Mae’r rebeliaid Shïaidd, sy’n cael eu hadnabod fel Houthis a’u cefnogi gan Iran, wedi bod yn rheoli’r brifddinas, Sannaa, ers ei chipio yn 2014.

Maen nhw wedi bod mewn rhyfel â chlymblaid wedi’i harwain gan Sawdi Arabia, sy’n cefnogi llywodraeth y wlad ers mis Mawrth 2015.

Cafodd y grefydd Baha’i ei sefydlu yn Iran yn 1844 ond mae wedi’i gwahardd ar hyn o bryd. Mae Israel yn gartref i rai o’i safleoedd sanctaidd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones