Deddf newydd yn Israel i rwystro rhannu dinas Jerwsalem

Diweddarwyd am  

Jerwsalem

Llun parth cyhoeddus CC0

Mae senedd Israel wedi pasio deddf sy’n gofyn am “uwchfwyafrif” er mwyn rhannu dinas Jerwsalem.

Bwriad y gyfraith ydi gwneud yn siwr na fyddai’r ddinas – sy’n cael ei hystyried yn safle sanctaidd gan dair o brif grefyddau’r byd – byth yn cael ei rhannu fel rhan o fargen i adfer heddwch yn y Dwyrain Canol.

Mae’r gwelliant yn rhwystro llywodraeth Israel rhag ildio sofraniaeth tros unrhyw ran o Jerwsalem heb i 80 allan o 120 o aelodau’r Knesset gytuno i hynny.

Mae hi’n bosib, fodd bynnag, i’r ddeddf ei hun gael ei throi ar ei phen gyda mwyafrif cyffredin – sy’n ei gwneud yn ddedf symbolaidd yn fwy na dim.

Fe ddaeth y gwelliant gerbron y senedd oherwydd y tensiwn yn dilyn datganiad Donald Trump, arlywydd yr Unol Daleithiau, mai Jerwsalem yw prifddinas Israel.

Mae’r datganiad wedi cythruddo Palesteiniaid, sydd am weld dwyrain y ddinas yn brifddinas ar y wladwriaeth rydd y maen nhw’n galw am ei sefydlu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed