Chwe aelod arall o Senedd Catalwnia yn mynd gerbron llys

 
Rhes o seddi cochion a dwy faner coch a melyn mewn ystafell grand yr olwg

Senedd Catalwnia

Llun: Darz Mol CC-SA-3.0
trwy Commons Wikimedia

Fe fydd chwe swyddog deddfu o Gatalwnia yn mynd gerbron barnwr yn Sbaen heddiw i ateb honiadau eu bod wedi anwybyddu’r Llys Cyfansoddiadol drwy ganiatáu i’r bleidlais ar annibyniaeth fynd rhagddi.

Mae llefarydd senedd Catalwnia, Carme Forcadell, a phum aelod arall o’r corff llywodraethu yn wynebu cyhuddiadau posib o rebelio, annog brad a lladrata.

Gallai’r chwech wynebu degawdau yn y carchar, a bydd barnwr o’r Goruchaf Lys yn penderfynu ar eu tynged ar ôl eu holi.

Mae Madrid wedi cipio grym oddi ar Gatalwnia yn fuan ar ôl iddi ddatgan annibyniaeth ar Hydref 27, ac mae wedi galw am etholiad rhanbarthol newydd i’w gynnal ar Ragfyr 21.

Mae cyn-arlywydd Catalwnia, Carles Puigdemont a phedwar aelod o’i Gabinet yn parhau i fod ar ffo ym Mrwsel, lle maen nhw’n ymladd unrhyw ymgais i’w harestio.

Mae wyth aelod o’r Cabinet a dau ymgyrchydd eisoes wedi cael eu hanfon i’r carchar yn Sbaen.

Mae Carme Forcadell yn parhau i fod yn llywydd ar y senedd, gan arwain comisiwn o ddau ddwsin o swyddogion yn ystod y cyfnod hyd at yr etholiad fis nesaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd