Troi carwriaeth Burton a Taylor yn ffilm

Diweddarwyd am  


Richard Burton
Bydd hanes un o actorion enwocaf Cymru, ac un o actoresau mwyaf adnabyddus y sgrin fawr, yn cael ei wneud yn ffilm.

Mae disgwyl i hanes carwriaeth dymhestlog Richard Burton ac Elizabeth Taylor, a gafodd ei groniclo mewn llyfr o’r enw Furious Love, gael ei drosi’n ffilm wedi ei chyfarwyddo gan Martin Scorsese.

Mae yna ddiddordeb mawr wedi bod mewn creu ffilm am y berthynas ers marwolaeth Elizabeth Taylor ym mis Mawrth.

Mae’r cyfarwyddwr Michael Scorsese, yr actores Natalie Portman, a sgriptiwr y King’s Speech, David Seidler, eisoes wedi dangos diddordeb.

Mae’r llyfr, Furious Love, yn cynnig golwg bersonol iawn ar y garwriaeth enwog. Roedd Elizabeth Taylor wedi cytuno i ddangos ei llythyron caru hi a Richard Burton, gafodd ei fagu ym Mhontrhydyfen, i’r awduron.

Dechreuodd y garwriaeth rhwng Richard Burton ac Elizabeth Taylor tra’r oedd y ddau yn ffilmio Cleopatra yn 1963.

Priododd y ddau yn 1964, cyn ysgaru degawd yn ddiweddarach. Ond ail-briododd y cwpwl yn 1975, cyn ysgaru eto blwyddyn yn ddiweddarach.

Dywedodd Richard Burton bod eu perthynas yn un tymhestlog iawn, a’i bod hi’n “amhosib parau i daflu dau ddarn o ddynameit at ei gilydd, heb iddyn nhw ffrwydro”.

Mae cynhyrchwyr y ffilm yn gobeithio y bydd ystâd yr actores yn cefnogi’r ffilm, ar ôl iddyn nhw ddod i gytundeb ag etifeddion Elizabeth Taylor.

Mae gweddw Richard Burton eisoes wedi cytuno i gyd-weithio â chynhyrchwyr.

Rhyngwladol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer