Ysgrifennydd Iechyd yr Unol Daleithiau wedi mynd

 


Mae Ysgrifennydd Iechyd yr Unol Daleithiau, Tom Price wedi ymddiswyddo yn dilyn helynt costau teithio.

Roedd wedi cael ei feirniadu am faint o arian roedd yn ei wario ar deithiau awyr ar gyfer ymweliadau swyddogol.

Mae’r Adran Iechyd yn gyfrifol am raglenni yswiriant iechyd, ymchwil, diogelwch cyffuriau a bwyd, iechyd cyhoeddus ac atal afiechydon, ac mae’n werth 1 triliwn o ddoleri ac yn cyflogi 80,000 o staff.

Mae ymchwiliad ar y gweill i gostau teithio yn dilyn yr helynt, ac mae Don J Wright wedi cael ei enwi’n Ysgrifennydd Iechyd dros dro.

Ymddiswyddodd Tom Price, 62, ddydd Gwener ar ôl i’r helynt ddod i’r amlwg ac er iddo dalu ychydig o’r arian yn ôl, doedd hynny ddim yn ddigon i’w achub.

Fe dreuliodd e lai nag wyth mis yn ei swydd.

Dywedodd Donald Trump ei fod yn “berson ffeind iawn” ond na allai gyfiawnhau ei ymddygiad.

Ond mae lle i gredu hefyd fod yr Arlywydd yn anfodlon fod yr helynt yn tynnu sylw oddi ar ei agenda i dorri trethi ac yn tanseilio’i ymdrechion i lanhau gwleidyddiaeth y wlad.

Mae e wedi ad-dalu 51,887.31 o ddoleri hyd yn hyn, ond fe allai’r cyfanswm fod yn uwch o lawer na hynny – ychydig gannoedd o filoedd, o bosib.

Mae lle i gredu bod y Democratiaid yn cefnogi’r penderfyniad.

Y dyfodol?

Un a allai gael ei phenodi yw Seema Verma, arweinydd Canolfannau Medicare a Medicaid sy’n gyfrifol am yswiriant iechyd mwy na 130 miliwn o Americanwyr.

Un o’r prif heriau sy’n ei hwynebu yw sicrhau llwyddiant cofrestru meddygol agored sy’n rhan o gynlluniau Obamacare, rhaglen iechyd na fu’n bosib ei diddymu ers i Donald Trump ddisodli Barack Obama yn Arlywydd yr Unol Daleithiau.

Ymgeisydd posib arall yw Scott Gottlieb, Comisiynydd FDA, sy’n enw adnabyddus ym maes polisi, llywodraeth a diwydiant.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd