Corwynt Maria wedi cryfhau a’i uwchraddio i’w lefel uchaf

 


Corwynt (llun parth cyhoeddus)
Mae Corwynt Maria wedi cryfhau a’i uwchraddio i’w lefel uchaf – categori pump – wrth iddo anelu at diriogaethau tramor Prydain, sydd eisoes wedi dioddef yn sgil Irma.

Mae ‘na bryderon y gallai’r effeithiau fod yn “drychinebus”.

Mae Canolfan Corwyntoedd Cenedlaethol yr Unol Daleithiau (NHC) yn adrodd bod gwyntoedd o hyd at 160mya a bod y corwynt yn debygol o barhau’n “hynod o beryglus” erbyn iddo gyrraedd Ynysoedd y Wyryf.

Mae camau brys yn cael eu cymryd yn  Ynysoedd y Wyryf i baratoi ar gyfer y corwynt ond dywedodd swyddog sy’n cydlynu’r gwaith bod yr ynysoedd eisoes wedi eu “gwanhau” oherwydd Corwynt Irma ac nad yw’r sefyllfa’n “edrych yn dda”.

Mae ‘na bryder hefyd y gallai glaw trwm achosi rhagor o lifogydd.

Dywedodd Ysgrifennydd Datblygiad Rhyngwladol y Deyrnas Unedig Priti Patel, bod y Llywodraeth yn cymryd camau i baratoi cymunedau.

Mae’r Swyddfa Dramor yn rhybuddio yn erbyn unrhyw deithiau i Ynysoedd y Wyryf ac yn rhybuddio trigolion i gymryd lloches “ar unwaith.”

Mae disgwyl i Gorwynt Maria gyrraedd Ynysoedd y Wyryf nos Fawrth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer