Pedwar gerbron llys am ymosodiadau Barcelona a Cambrils

Diweddarwyd  


Barcelona - ymosodiad Awst 2017 (Llun: @VIL_Music-Gwifren PA)
Mae pedwar dyn wedi ymddangos gerbron llys yn Sbaen heddiw wedi’u cyhuddo o ladd 15 o bobol yn ymosodiadau brawychol yr wythnos ddiwethaf.

Cafodd y dynion eu harestio a’u cyhuddo o fod â rhan yn nghynllwynio’r ymosodiadau ar Barcelona ddydd Iau (Awst 17) a thref glan môr Cambrils ddydd Gwener, Awst 18.

Mae cyfryngau Sbaen wedi enwi’r dynion – Driss Oukabir, Mohammed Aalla, Salh el Karib a Mohamed Houli Chemal – ond nid yw’r manylion hyn eto wedi’u cadarnhau gan yr heddlu.

Daeth cyhoeddiad ddoe (ddydd Llun) fod heddlu Sbaen wedi saethu dyn arall yn farw, sef Younes Abouyaaqoub, 22 oed, a bod ganddyn nhw dystiolaeth i brofi iddo yrru’r cerbyd a darodd i mewn i’r dorf yn Las Ramblas, Barcelona gan ladd 13 o bobol.

Cafodd pump oedd wedi’u hamau i fod yn rhan o’r ymosodiadau eu saethu’n farw gan yr heddlu yn Cambrils lle digwyddodd yr ail ymosodiad.

Mae grŵp y Wladwriaeth Islamaidd wedi hawlio cyfrifoldeb am y ddau ymosodiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd