India yn gwahardd hawl dyn Mwslimaidd i ysgaru ei wraig ar unwaith

 


Mae Goruchaf Lys India wedi gwrthod rhoi’r hawl i ddynion Mwslimaidd allu ysgaru eu gwragedd ar unwaith, gan alw’r arfer yn un “anghyfansoddiadol”.

Fe fu’r fainc – a oedd yn cynnwys pump o farnwyr o amrywiol grefyddau – yn ystyried yr achos am dri mis, cyn cyhoeddi ei dyfarniad heddiw.

Roedd wedi derbyn deisebau gan saith o ferched Mwslimaidd yr oedd eu gwyr wedi’u hysgaru trwy broses sy’n cael ei galw ‘y talaq triphlyg’.

The decision was widely praised by women’s rights activists as a step towards granting Muslim women greater equality and justice.

“Mae heddiw’n ddiwrnod hapus, ac yn ddiwrnod hanesyddol,” meddai Zakia Soman, cyd-sylfaenydd Mudiad Merched Mwslimaidd India, a oedd yn rhan o’r frwydr yn erbyn y talaq triphlyg.

“Rydyn ni, ferched Mwslimaidd, yn haeddu cyfiawnder gan y llysoedd, yn ogystal â chyfiawnder yn y cyfansoddiad hefyd.”

Mae mwy nag ugain o wledydd Mwslimaidd, yn cynnwys Pacistan a Bangladesh, eisoes wedi gwahardd yr arfer. Ond, yn India, roedd y talaq triphlyg wedi para oherwydd bod gan gymunedau Mwslimiaid, Cristnogion a Hindw yr hawl i ddilyn cyfraith grefyddol ym meysydd priodas, ysgariad, etifeddiaeth a mabwysiadu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd