Rali yn Istanbul: arlywydd Twrci’n bygwth “rhwygo pennau” bradwyr

 


Arlywydd Twrci, Recep Tayyip Erdogan (Llun: Randam CCA2.0)
Mae Arlywydd Twrci, Recep Tayyip Erdogan wedi annerch degau o filoedd o bobol mewn rali yn Istanbul, flwyddyn union ar ôl gwrthryfel aflwyddiannus i geisio’i ddisodli.

Dywedodd yn ei anerchiad y byddai’n “rhwygo pennau” grwpiau brawychol a’r sawl oedd wedi sefydlu’r gwrthryfel yn ei erbyn.

Teyrngedau

Roedd y rali’n gyfle hefyd i gofio am 250 o bobol a fu farw ar Orffennaf 15 y llynedd wrth geisio atal y gwrthryfel.

Fe ddadorchuddiodd gofeb iddyn nhw cyn hedfan i Ankara ar gyfer sesiwn arbennig yn y senedd flwyddyn union i’r eiliad y digwyddodd y ffrwydrad oedd wedi’u lladd.

Fe agorodd ail gofeb yn Ankara ar yr un pryd.

‘Rhwygo pennau’

Dywedodd nad dyma fyddai’r “ymosodiad olaf” yn erbyn y llywodraeth ac am y rheswm hwnnw y byddai’n “rhwygo pennau’r bradwyr hyn i ffwrdd”.

Yn ystod y gwrthryfel, cafodd o leiaf 30 o bobol eu lladd yn Istanbul, a chafodd mwy na 2,000 o bobol eu hanafu ledled Twrci. Cafodd 35 o wrthryfelwyr eu lladd.

Dywedodd Recep Tayyip Erdogan ei fod e am weld y rhai oedd yn gyfrifol yn cael eu dedfrydu i farwolaeth, ac y byddai’n ail-gyflwyno’r gosb eithaf er mwyn gwireddu hynny, pe bai e’n cael sêl bendith y senedd.

Ers y gwrthryfel, fe fu argyfwng yn y wlad, ac mae disgwyl i hynny gael ei ymestyn ddydd Llun.

Ers dechrau’r argyfwng, mae mwy na 110,000 o bobol wedi colli eu swyddi yn Nhwrci.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd