Pedair gwlad Arabaidd yn torri cysylltiad diplomyddol gyda Qatar

 


Qatar (Llun: Maes Awyr Caerdydd)
Mae pedair cenedl Arabaidd wedi torri cysylltiadau diplomyddol gyda Qatar oherwydd cefnogaeth y wlad i grwpiau Islamaidd a’i pherthynas gydag Iran.

Mae Bahrain, yr Aifft, Saudi Arabia a’r Emiradau Arabaidd Unedig wedi cyhoeddi y byddan nhw’n symud eu staff diplomyddol o Qatar, a fydd yn cynnal Cwpan y Byd FIFA yn 2022.

Dywedodd Saudi Arabia y byddai lluoedd Qatar hefyd yn cael eu tynnu o’r rhyfel yn Yemen ac mae’r gwledydd wedi dweud y byddan nhw’n gorfodi diplomyddion Qatar i adael eu tiriogaethau.

Ond dywedodd gweinidog materion tramor Qatar nad oes “unrhyw gyfiawnhad” dros benderfyniad y gwledydd, gydag addewid na fydd yn effeithio ei dinasyddion.

Mae’r pedair cenedl hefyd wedi dweud eu bod yn bwriadu atal traffig awyr ac ar y môr o Qatar. Nid yw’n glir ar hyn o bryd sut fydd hyn yn effeithio Qatar Airways, un o’r cwmnïau awyrennau mawr sy’n hedfan yn gyson trwy ofod awyr Saudi Arabia.

Mae Qatar hefyd yn gartref i safle lluoedd milwrol yr Unol Daleithiau, lle mae tua 10,000 o filwyr wedi’u lleoli.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd