RSS

Golwg360

MwyCau 

Julian Assange – rhoi’r gorau i ymchwiliad

Mai 19, 2017 11:31


Julian Assange
Mae erlynwyr yn Sweden wedi penderfynu rhoi’r gorau i ymchwilio i gyhuddiad o drais yn erbyn sylfaenydd WikiLeaks, Julian Assange.

Daeth cyhoeddiad Cyfarwyddwr Erlyniad Cyhoeddus Sweden, Marianne Ny, cyn iddyn nhw gynnal cynhadledd i’r wasg ar y mater.

Yn wreiddiol, roedd Julian Assange yn wynebu tri o honiadau ei fod wedi troseddu yn rhywiol, a chwe mis yn ôl roedd yn gwadu’r cyhuddiadau wrth gael ei holi gan swyddogion o Sweden.

Mae Julian Assange wedi byw oddi fewn i Lysgenhadaeth Ecwador yn Llundain am bron i bum mlynedd.

Gallai Julian Assange gael ei estraddodi i’r Unol Daleithiau pe bai’n gadael Llysgenhadaeth Ecwador yn Llundain.

Fe allai wynebu treial yno am ryddhau cannoedd o ddogfennau milwrol a diplomatig yr Unol Daleithiau.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.