RSS

Golwg360

MwyCau 

“Donald Trump wedi gofyn i’r FBI ddod ag ymchwiliad Rwsia i ben”

Mai 17, 2017 10:09 Diweddarwyd am 17:38


Mae adroddiadau heddiw’n honni fod Arlywydd yr Unol Daleithiau wedi apelio ar gyn-gyfarwyddwr yr FBI, James Comey, i ddod ag ymchwiliad am gysylltiadau rhwng ei gyn-ymgynghorydd diogelwch cenedlaethol a Rwsia i ben.

Mae’n debyg bod memo a gafodd ei ysgrifennu ym mis Chwefror gan James Comey, yn datgelu fod Donald Trump wedi gofyn i’r FBI roi’r gorau i’r ymchwiliad am Michael Flynn.

Mae’r Tŷ Gwyn wedi gwrthod yr honiadau gan nodi “nad yw’r Arlywydd erioed wedi gofyn i Mr Comey neu unrhyw un arall i ddod â’r ymchwiliad i ben”.

Cafodd James Comey ei ddiswyddo gan Donald Trump wythnos ddiwethaf oherwydd y modd yr oedd wedi ymdrin ag ymchwiliad e-byst y gwleidydd Democrataidd Hillary Clinton.

Yn sgil yr honiadau diweddaraf yma mae nifer o aelodau cyngres yr Unol Daleithiau wedi galw bod cofnodion o’r trafodaethau rhwng Donald Trump a James Comey yn cael eu cyflwyno erbyn diwedd y mis.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.