Disgwyl i Emmanuel Macron benodi prif weinidog

 


Arlywydd Ffrainc, Emmanuel Macron, (Llun: O gyfrif Twitter En Marche!)
Mae Arlywydd newydd Ffrainc Emmanuel Macron wedi rhoi addewid i gryfhau’r Undeb Ewropeaidd, gweddnewid gwleidyddiaeth ei wlad ac uno’r genedl.

Cafodd ei dderbyn yn ffurfiol yn olynydd i Francois Hollande mewn seremoni fawreddog ym Mhalas Elysée ym Mharis ddoe.

Mae disgwyl iddo gyhoeddi pwy fydd ei brif weinidog heddiw a bydd hefyd yn teithio i Ferlin i gwrdd â Changhellor yr Almaen Angela Merkel.

Ymhlith yr enwau sy’n cael eu crybwyll ar gyfer swydd y Prif Weinidog mae Edouard Philippe, 46, sy’n aelod o’r blaid Weriniaethol asgell dde.

Fe fyddai ei benodiad yn cael ei weld fel ymdrech gan y canol bleidiwr, Emmanuel Macron, i greu mwyafrif yn y senedd drwy benodi gwleidyddion o’r asgell dde.

Un o’i flaenoriaethau yw adfer y gefnogaeth i undod Ewropeaidd drwy ei gryfhau a’i adfer. Ffrainc yw un o sylfaenwyr yr Undeb Ewropeaidd a’r trydydd economi fwyaf ar ôl yr Almaen a’r Deyrnas Unedig.

Yn 39 oed, Emmanuel Macron yw’r Arlywydd ieuengaf erioed yn hanes Ffrainc.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?