RSS

Golwg360

MwyCau 

Ymosodiad ‘Charlie Hebdo’ – arestio deg o bobol am ddarparu arfau

Ebrill 26, 2017 09:50


Mae deg o bobol wedi’u harestio fel rhan o’r ymchwiliad i geisio darganfod pwy ddarparodd yr arfau i un o ymosodwyr brawychol ar swyddfa’r cylchgrawn Charlie Hebdo yn ninas Paris yn Ionawr 2015.

Fe gafodd 17 o bobol eu lladd yn ystod y digwyddiad.

Mae swyddfa’r erlynwyr ym mhrifddinas Ffrainc yn dweud eu bod wedi dechrau gwneud cyrchoedd ddydd Llun yr wythnos hon, a bod y gwaith hwnnw yn dal i fynd rhagddo fore Mercher.

Mae’r cyrchoedd yn targedu pobol sy’n cael eu hamau o fod â rhan yn y gwaith o ddarparu arfau i Amedy Coulibaly. Fe laddodd o bedwar o bobol yn siop Hypercacher yn nwyrain Paris a phlismones mewn digwyddiad arall, cyn cael ei ladd mewn brwydr saethu gyda’r heddlu.

Roedd Amedy Coulibaly yn cydweithio gyda’r brodyr. Cherif a Said Kouachi, a saethodd ddwsin o bobol yn farw yn swyddfa’r cylchgrawn dychanol, Charlie Hebdo. Fe gafodd y brodyr, hefyd, eu saethu’n farw.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.