Twrci: “hawl gan wrthbleidiau i wrthwynebu canlyniad y refferendwm”

 


Recep Tayyip Erdogan
Mae hawl gan bobol wrthwynebu canlyniad y refferendwm diweddar ar ymestyn pwerau Arlywydd Twrci, Recep Tayyip Erdogan, yn ôl y Prif Weinidog Binali Yildirim.

Ond dywedodd fod cynnal protestiadau ar strydoedd y wlad yn “annerbyniol”.

Dywedodd y byddai bwrdd etholiadol yn ystyried cais Plaid y Bobol Weriniaethol i ddiddymu canlyniad y refferendwm, sy’n gweld system lywodraethu Twrci’n troi o fod yn un seneddol i fod yn un arlywyddol.

Mae’r gwrthbleidiau wedi mynegi pryder am gyfres o anghysondebau, yn enwedig y penderfyniad gan y bwrdd etholiadol i dderbyn papurau pleidleisio oedd heb eu stampio’n swyddogol.

Dywedodd Binali Yildirim mai ceisiadau trwy’r system gyfiawnder yn unig ddylai gael eu derbyn.

Mae miloedd o bobol wedi bod yn protestio ar strydoedd Istanbul ac Ankara ers dydd Sul.

‘Cyfrifol’

Dywedodd Binali Yildirim: “Mae galw pobol i’r strydoedd yn anghywir ac y tu hwnt i ffiniau’r hyn sy’n ddilys.”

Ychwanegodd ei fod yn disgwyl i arweinydd yr wrthblaid “ymddwyn yn fwy cyfrifol”.

Mae canlyniad y refferendwm yn dangos bod 51.4% o bobol yn cefnogi cynlluniau’r Arlywydd Recep Tayyip Erdogan.

Mae disgwyl i wrthwynebiadau i’r canlyniad gael eu hadolygu’n ddiweddarach heddiw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd