RSS

Golwg360

MwyCau 

O leiaf 22 o bobol wedi’u lladd yn Syria

Ebrill 15, 2017 16:04


Mae o leiaf 22 o bobol wedi cael eu llad mewn ffrwydrad ger rhes o fysus yng ngogledd Syria.

Mae ffigurau answyddogol yn awgrymu mai 24 o bobol sydd wedi marw yn ne Aleppo, sydd dan reolaeth gwrthryfelwyr.

Yn ôl y gwrthryfelwyr, mae’r nifer yn uwch o lawer na hynny.

Roedd dwsinau o fysus wedi’u parcio yno ers dros 30 awr pan ddigwyddodd yr ymosodiad, ac mae lle i gredu mai bom car oedd wedi cael ei ffrwydro.

Roedden nhw i fod i gludo pobol oddi yno cyn i ffrae atal y broses honno.

Cyrchoedd awyr

Yn y cyfamser, mae cyrchoedd awyr wedi’u cynnal yn erbyn rhai o ganolfannau Daesh – neu’r ‘Wladwriaeth Islamaidd’.

Mae o leiaf un aelod o’r mudiad wedi cael ei ladd yn Raqqa, sef Abu Bakir al-Habeeb al-Hakim, yn ôl adroddiadau.

Mae lle i gredu ei fod e’n un o aelodau mwyaf blaenllaw’r mudiad yn Raqqa.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.