RSS

Golwg360

MwyCau 

Martin Schulz i herio Angela Merkel yn etholiadau’r Almaen

Mawrth 19, 2017 15:12 Diweddarwyd am 15:13


Mae Democratiaid Sosialaidd yr Almaen (y Sozialdemokratische Partei Deutschlands) wedi ethol cyn-lywydd yr Undeb Ewropeaidd, Martin Schulz yn brif ymgeisydd y blaid i herio arweinydd Angela Merkel yn etholiad cyffredinol yr Almaen.

Cafodd ei ethol yn unfrydol.

Fe fydd e’n herio’r Canghellor Angela Merkel yn etholiad cyffredinol y wlad mewn ymgais i ddod yn Ganghellor.

Cafodd ei enwebu ar gyfer yr arweinyddiaeth ym mis Ionawr yn dilyn penderfyniad annisgwyl Sigmar Gabriel i gamu o’r neilltu.

Ers hynny, mae poblogrwydd y blaid wedi cynyddu ac mae Martin Schulz wedi cael clod am hynny, gyda 13,000 o aelodau newydd wedi ymuno â’r blaid ers dechrau’r flwyddyn.

Polisïau

Yn ei araith gerbron aelodau’r blaid yn Berlin, cyfeiriodd Martin Schulz at draddodiad y blaid o warchod hawliau gweithwyr, gan alw hefyd am ragor o fuddsoddiad mewn addysg a gofal iechyd.

Dywedodd fod y bwlch rhwng y bobol gyffredin a’r cyfoethog wedi suro’r byd gwleidyddol, ac wedi arwain at gynnydd mewn pleidiau poblyddol.

Achubodd Martin Schulz ar y cyfle hefyd i feirniadu Arlywydd yr Unol Daleithiau, Donald Trump a’i agweddau hiliol.

Bydd etholiad cyffredinol yr Almaen yn cael ei gynnal ar Fedi 24, ac mae Angela Merkel yn mynd am bedwerydd tymor wrth y llyw.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.