RSS

Golwg360

MwyCau 

Ymosodiad ym Mharis: y diweddaraf

Mawrth 18, 2017 10:09 Diweddarwyd am 12:58


Paris o'r awyr (Llun: Armin Hornung CCA3.0)
Mae dyn wedi cael ei saethu’n farw mewn maes awyr ym Mharis ar ôl ceisio cipio arfau milwr oddi arno.

Roedd e’n rhan o lu arfog Sentinel sy’n gwarchod meysydd awyr yn Ffrainc yn dilyn cyfres o ymosodiadau brawychol dros y blynyddoedd diwethaf.

Mae’r cyhoedd wedi cael rhybudd i beidio â mynd i faes awyr Orly am y tro, ac mae disgwyl iddo fod ynghau am ran fwya’r dydd heddiw.

Dyma’r ail ddigwyddiad o’r math yma o fewn mis, yn dilyn ymosodiad ar amgueddfa’r Louvre fis diwethaf.

Mae Ffrainc mewn cyfnod o argyfwng o hyd.

Teithwyr

Ni chafodd unrhyw un arall ei anafu yn y digwyddiad, ond mae miloedd o deithwyr yn wynebu oedi.

Mae teithwyr sydd wedi bod yn aros ar awyrennau am y tro bellach yn dechrau cael mynediad i’r maes awyr.

Mae 15 o deithiau wedi cael eu dargyfeirio i faes awyr Charles de Gaulle.

Fe fu’r heddlu’n ymchwilio i’r posibilrwydd fod cyswllt rhwng y digwyddiad hwn ac achos arall yn gynharach fore Sadwrn pan ddechreuodd dyn saethu at yr heddlu ger goleuadau traffig, gan anafu un ohonyn nhw yn ei hwyneb.

Mae lle i gredu bod y dyn sy’n cael ei amau ar restr o unigolion oedd dan oruchwyliaeth am eu bod nhw wedi cael eu radicaleiddio, ac mae’r ymchwiliad wedi cael ei drosglwyddo i swyddogion gwrth-frawychiaeth.

Llwyddodd y dyn i ffoi ar ôl dwyn car dynes a’i bygwth ag arf.

Mae’r heddlu’n gwadu bod ail unigolyn ynghlwm wrth y digwyddiadau, ond mae tad a brawd yr un sy’n cael ei amau yn cael eu holi gan yr heddlu ar hyn o bryd.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.