Pennaeth yr FBI yn gwrthod cyhuddiadau Donald Trump

 


Donald Trump (Llun: Michael Vadon CCA 4.0)
Mae Cyfarwyddwr yr FBI, James Comey wedi gwrthod cyhuddiad Arlywydd yr Unol Daleithiau eu bod wedi clustfeinio ar ei sgyrsiau yn ystod yr ymgyrch Arlywyddol.

Trodd Donald Trump at drydar ddydd Sul gan gyhuddo’r cyn-Arlywydd, Barack Obama, o fod wedi ceisio tanseilio ei ymgyrch arlywyddol trwy orchymyn yr asiantaethau cudd wybodaeth i glustfeinio ar sgyrsiau ffôn yn Trump Tower yn Efrog Newydd.

Mae’r Arlywydd wedi galw ar Gyngres y wlad i’w cynorthwyo i ddod o hyd i dystiolaeth i gefnogi ei honiadau ac mae pennaeth y wasg yn y Tŷ Gwyn wedi galw ar bwyllgorau’r gyngres i ymchwilio i’r adroddiadau “sy’n peri gofid.”

Mae James Comey wedi galw ar yr Adran Gyfiawnder i herio’r cyhuddiad gan ei fod yn awgrymu bod yr FBI wedi torri’r gyfraith.

Yn ôl cyn-ysgrifennydd y wasg Barack Obama, Josh Earnest, nid oes gan arlywyddion yr awdurdod i ganiatáu ymgyrch cudd wybodaeth o’r fath ac mae wedi cyhuddo Donald Trump o dynnu sylw oddi ar gyhuddiadau o gysylltiadau rhwng aelodau o’i ymgyrch arlywyddol â Rwsia.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd