RSS

Golwg360

MwyCau 

Llain Gaza yn cael canolfan siopa newydd sbon

Chwefror 23, 2017 07:20 Diweddarwyd Chwefror 22, 2017 17:33


Mae canolfan siopa newydd sbon – sy’n cynnwys siopau cadwyn, siop lyfrau sy’n ymestyn tros dri llawr, ynghyd â chyntedd yn llawn caffis a bwytai – wedi agor yn Llain Gaza.

Mae adeiladu’r Capital Mall a’i 19,000 troedfedd sgwar o siopau, wedi golygu goresgyn blocâd gan Israel a’r Aifft. Ond pwysicach fydd gallu goresgyn y tlodi affwysol yn yr ardal, a dod o hyd i siopwyr i wario eu harian prin.

Ar hyn o bryd, mae’r rhan fwya’ o’r nwyddau sy’n cael eu gwerthu yn Gaa yn dod dros y ffin o Israel, gan mai ychydig iawn o bethau sy’n cael eu cynhyrchu yn Gaza ei hun.

Mae’r ganolfan siopa, yn debyg iawn i weddill tir Gaza, angen generadur trydan i gynnal y pwer.

Croeso i’r ganolfan newydd

Yn y tymor byr, mae Capital Mall i weld yn ffynnu. Mae miloedd o bobol Gaza wedi bod yno’n gweld y lle newydd, gan weld siopau esgidiau a dillad y gadwyn De Facto o Dwrci; anrhegion ac offer ar gyfer yr ysgol o siop lyfrau; neu’n bwyta byrgers, pitsa a hufen iâ o’r stondinau bwyd.

Ac mae pobol na fu erioed ar grisiau symudol o’r blaen, wedi dotio ar yr esgaladur sy’n eu cario o lawr i lawr.

Mae yno siopau hefyd sy’n gwerthu persawr a cholur; addurniadau i’r ty; a ffonau symudol. Mae yno hefyd glinigau iechyd, swyddfeydd, dau faes parcio, a chynlluniau i ddod ag archfarchnad yno.

Mae bron i 80% o’r ddwy filiwn o bobol sy’n byw yn Gaza heddiw, yn byw mewn tlodi. Mae dau o bob pump o bobol Gaza yn ddi-waith, a dim ond am wyth awr y dydd y mae gan gartrefi gyflenwad trydan, ar y gorau. Mae Israel a’r Aifft yn rhwystro pobol rhag teithio’n rhydd i mewn ac allan o Gaza.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.