RSS

Golwg360

MwyCau 

“Rhaid i aelodau Nato wario mwy ar amddiffyn”

Chwefror 18, 2017 13:49


Mae Dirprwy Arlywydd yr Unol Daleithiau, Mike Pence wedi ategu neges yr Arlywydd Donald Trump fod rhaid i aelodau Nato wario mwy o arian ar amddiffyn.

Ymrwymodd 28 o wledydd Nato i wario 2% o GDP ar amddiffyn o fewn degawd.

Ond yn ôl Mike Pence, dim ond yr Unol Daleithiau a phedair o wledydd Nato sy’n cadw at yr ymrwymiad.

Dywedodd fod methiant y gwledydd eraill yn “erydu seiliau ein cynghrair ni”, a bod yr “amser wedi dod i wneud mwy”.

Fe fydd yn cyfarfod â Changhellor yr Almaen yn ddiweddarach heddiw.

‘Nato er lles America’

Dywedodd Angela Merkel wrth gynhadledd fod sicrhau ymrwymiad gwledydd Nato “er lles America”.

Galwodd hi ar yr un pryd ar i’r Unol Daleithiau gefnogi sefydliadau Ewropeaidd eraill, gan gynnwys yr Undeb Ewropeaidd a’r Cenhedloedd Unedig.

Ychwanegodd fod “gweithredu gyda’n gilydd yn cryfhau pawb”.

Ond mae pryderon o hyd y bydd ei chyngor yn cael ei anwybyddu gan Donald Trump a’i weinyddiaeth.

“A fyddwn ni’n gallu parhau i gydweithio’n dda, neu a fyddwn ni’n cwympo’n ôl i’n rolau unigol?

“Dw i’n galw arnon ni – a gobeithio y cawn ni safbwynt cyffredin yn hyn o beth – i wneud y byd yn lle gwell ac yna bydd pethau’n gwella i bob un ohonon ni.”

Materion byd-eang

Mae’r Unol Daleithiau’n mynnu y bydd Mike Pence ac Angela Merkel yn ymrwymo i gydweithio ar gyfres o faterion byd-eang.

Mae’r ddau yn gytûn, er enghraifft, fod angen i Nato gael ei drawsnewid ar gyfer bygythiadau i ddiogelwch yn yr unfed ganrif ar hugain.

Diolchodd Mike Pence i Angela Merkel am arwain ar fater yr Wcráin ac am ran yr Almaen yn yr ymdrech i gadw trefn yn Afghanistan a’r frwydr yn erbyn y ‘Wladwriaeth Islamaidd’.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.