Achos o saethu ym Mharis yn codi cwestiynau am gais i gynnal y Gemau Olympaidd

 


Amgueddfa'r Louvre (Llun: Wikipedia)
Mae amheuon bellach a fydd Paris yn gallu cynnal y Gemau Olympaidd yn 2024 yn dilyn yr ymosodiad y tu allan i Amgueddfa’r Louvre brynhawn ddoe.

Cafodd dyn oedd yn cario dwy gyllell machete ei saethu gan yr heddlu y tu allan i’r amgueddfa, oriau’n unig cyn i swyddogion gwblhau eu cais i gynnal un o ddigwyddiadau mwya’r byd chwaraeon ymhen saith mlynedd.

Mae Ffrainc yn dal i geisio sefydlogrwydd yn sgil cyfres o ymosodiadau brawychol yn 2015, ac mae cwestiynau wedi codi am allu swyddogion diogelwch i ymdrin â bygythiadau.

Yn dilyn yr ymosodiad, dywedodd yr Arlywydd Francois Hollande nad oedd “amheuaeth” mai ymosodiad brawychol oedd wedi digwydd.

Pwy oedd yn gyfrifol?

Mae lle i gredu mai dyn 29 oed o dras Eifftaidd sy’n gyfrifol, ond dydy’r awdurdodau ddim wedi cadarnhau hynny.

Mae lle i gredu hefyd ei fod e wedi bod yn byw yn yr Emiradau Arabaidd Unedig a’i fod e wedi glanio ym Mharis ar Ionawr 26.

Mae adroddiadau’n awgrymu ei fod e wedi prynu dwy gyllell machete ym Mharis, a’i fod e wedi talu 1,700 Ewro i aros mewn fflat am wythnos.

Yn dilyn yr ymosodiad, fe waeddodd ‘Alluha Akhbar’, sef ymadrodd sy’n cael ei ddefnyddio gan Fwslimiaid i foli Duw.

Mae’r unigolyn mewn cyflwr difrifol yn yr ysbyty.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd