Donald Trump yn beirniadu cytundeb “dwl” i dderbyn ffoaduriaid Awstralia

 


Donald Trump - wedi tynnu Awstralia yn ei ben (Llun: Wikipedia)
Mae Arlywydd yr Unol Daleithiau wedi beirniadu cynllun a allai ganiatau i ffoaduriaid Mwslimaidd sy’n cael eu gwrthod gan Awstralia, i symud i America.

Mae Donald Trump wedi galw’r cytundeb yn un “dwl”, ac wedi addo edrych eto arno… tra bod prif weinidog Awstralia yn mynnu bod y cytundeb yn un dilys.

Roedd Barack Obama wedi cytuno i roi cartre’ i ffoaduriaid o blith rhyw 1,600 o geiswyr lloches sydd ar hyn o bryd mewn gwersylloedd yn Nauru a Phapua Gini Newydd.

“Ydach chi’n credu hyn?” meddai Donald Trump ar ei gyfri Twitter. “Mae Obama wedi cytuno i dderbyn miloedd o ffoaduriaid anghyfreithlon o Awstralia. Fe fydda’ i’n edrych eto ar y cytundeb dwl yma!”

Fe ddaeth y sylw wedi i bapur newydd The Washington Post gyhoeddi stori am y sgwrs lawn tensiwn fuoedd dros y ffôn rhwng Donald Trump a Malcolm Turnbull, prif weinidog Awstralia.

Yn ôl yr adroddiad, roedd Donald Trump, yn ei wylltineb, wedi galw’r cytundeb “y ddêl waethaf erioed”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd