RSS

Golwg360

MwyCau 

Heddlu Cologne yn arestio “cannoedd” o ddynion o dras Affricannaidd

Ionawr 1, 2017 11:58


Mae heddlu dinas Cologne yn yr Almaen wedi dwyn cannoedd o ddynion “sy’n ymddangos i fod o dras Affricannaidd”, fel rhan o ymgyrch i rwystro ymosodiadau tebyg i’r rheiny yn y ddinas union flwyddyn yn ôl.

Fe ddaeth cadarnhad fod y dynion wedi cael eu harestio yn nwy o brif orsafoedd rheilffordd y ddinas – er mwyn i swyddogion gael eu holi a gwirio pwy yn union ydyn nhw.

Fe gafodd mwy na 1,500 o blismyn eu rhoi ar waith yn Cologne cyn dathliadau’r flwyddyn newydd, mewn ymateb i’r feirniadaeth fuodd pan fethon nhw â rhwystro cannoedd o ladradau ac ymosodiadau rhyw y llynedd – a’r mwyafrif o’r rheiny’n cael eu beio ar ddynion o dras gogledd Affrica.

Mae rhai o’r rheiny oedd yn dathlu yn y ddinas neithiwr, wedi bod yn cwyno ar wefan gymdeithasol Twitter oherwydd ei bod hi’n ymddangos fod pobol yn cael eu harestio ar sail eu pryd a gwedd yn unig.

Erbyn ben bore Sul, Ionawr 1, roedd dau adroddiad o ymosodiad rhyw ar fenywod yn Cologne, ac mae un dyn wedi’i arestio mewn perthynas â hynny.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.