RSS

Golwg360

MwyCau 

Tân ar fferi yn Indonesia: 23 o bobol wedi’u lladd

Ionawr 1, 2017 10:44 Diweddarwyd am 10:44


Mae o leia’ 23 o bobol wedi’u lladd, a 17 o bobol eraill ar goll, wedi i fferi fynd ar dân oddi ar arforfir prifddinas Indonesia.

Roedd y bad yn cario mwy na 230 o bobol o borthladd Muara Angke yn Jakarta i ynys wyliau Tidung, pan aeth ar dân.

Mae 23 o bobol wedi’u cludo i’r ysbyty, tra bod y gwaith o chwilio am bobol sy’n dal ar goll, yn mynd rhagddo.

Mae llygad dystion wedi bod yn siarad â Metro TV, gan ddweud i’r tân gynnau rhyw chwarter awr wedi i’r fferi adael y lan yn Muara Angke.

Dyw hi ddim yn glir eto beth achosodd y tân. Mae teithwyr wedi bod yn siarad am y modd y gwelson nhw fwg yn codi o injan y fferi.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.