‘Peidiwch â mynychu sioeau dolffiniaid’

 


Mae un o sêr y gyfres ddrama ffantasi Game of Thrones yn annog pobol i roi’r gorau i fynychu sioeau dolffiniaid.

Ei gobaith yw niweidio’r fasnach mewn dolffiniaid a’r arfer yn Japan o’u dal mewn modd sydd, yn ôl y gwrthwynebwyr, yn greulon a ffiaidd.

Fe wnaeth Maisie Williams, sy’n actio ‘Arya Stark yn Game of Thrones, alw ar bobol i droi cefn ar sioeau dolffiniaid mewn tref fach yn Japan o’r enw Taiji.

Dyma’r lle a wnaed yn enwog yn dilyn llwyddiant ffilm The Cove, wnaeth ennill Oscar yn 2009 am ddangos dolffiniaid yn cael eu hela.

Enwogion eraill sy’n cefnogi’r dolffiniaid yw Brian May, Sting a Daryl Hannah.

Mae gan Maisie Williams bedwar miliwn o ddilynwyr ar Instagram ac mae hi’n lysgennad dros y prosiect i warchod y dolffiniaid.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer