Nelson Mandela
Mae cyflwr cyn-Arlywydd De Affrica, Nelson Mandela wedi dangos arwyddion ei fod e’n gwella yn yr ysbyty.
Daeth y cyhoeddiad trwy Arlywydd presennol y wlad, Jacob Zuma, fu’n ymweld ag e heddiw.
Cafodd pen-blwydd ‘Madiba’ yn 95 oed ei ddathlu ddydd Iau diwethaf.
Gofynnodd Jacob Zuma i’w bobol barhau i feddwl am Nelson Mandela a gweddïo drosto.
Bu yn yr ysbyty ers Mehefin 8, yn dioddef o haint ar ei ysgyfaint.
Cafodd teyrngedau eu rhoi iddo ar achlysur ei ben-blwydd, ac fe gafodd Diwrnod Cenedlaethol Nelson Mandela ei neilltuo ar ei gyfer.
Treuliodd nifer o bobol 95 o funudau’n gwneud gwaith yn y gymuned i nodi cyfraniad Nelson Mandela i’w genedl.
