RSS

Golwg360

MwyCau 

Cymry’n ennill Pencampwriaeth Cario Gwragedd Prydain

Mawrth 5, 2017 12:16 Diweddarwyd am 12:17


Jack McKendrick a Sandra Jones (Llun: Gareth Fuller/PA Wire)
Cwpl o Gymru sydd wedi ennill Pencampwriaeth Cario Gwragedd Prydain yn Swydd Surrey eleni.

Jack McKendrick a’i bartner Sandra Jones o Abergele ddaeth i’r brig yn y ras flynyddol yn Dorking, gan ennill casgen o gwrw.

Mae gan y ras reolau llym, sy’n dweud fod rhaid i’r wraig fod dros 18 oed, a bod rhaid iddi wisgo helmed.

Ond does dim rhaid i’r un sy’n cael ei gario fod yn ddynes – gall fod yn ddyn sy’n cael ei gario gan ei wraig!

Mae’r rheolau hefyd yn dweud bod rhaid i’r wraig bwyso dros 50kg ac os nad yw’n cyrraedd y pwysau angenrheidiol, rhaid iddi wisgo sach ar ei chefn sydd wedi’i llenwi â ffa pob neu dun o fwyd arall.

Gall cystadleuwyr ddefnyddio unrhyw ddull o gario’r wraig.

Y cyntaf i groesi’r llinell derfyn sy’n ennill y ras.

Ond mae cosb am ollwng y wraig ar y cwrs – tri cham yn ôl cyn cael symud ymlaen.

Mae’r cwrs yn llawn rhwystrau a dŵr, ac mae’r dorf yn cael eu hannog i daflu dŵr at gystadleuwyr yn ystod y ras.

Gwobrau

Ar ôl ennill y ras, mae Jack McKendrick a Sandra Jones wedi ennill £250 a lle ym Mhencampwriaeth Cario Gwragedd y Byd.

Ond mae gwobr i’r pâr sy’n gorffen y ras yn y safle olaf hefyd – Pot Noodle a bwyd ci – a phwys o selsig i’r wraig drymaf yn y ras!

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.