RSS

Golwg360

MwyCau 

Dyn o America yn hawlio ei fod yn Frenin Cymru

Mawrth 2, 2017 14:48 Diweddarwyd am 15:02


Mae Allan V Evans yn fodlon aros tan farwolaeth Elizabeth II cyn hawlio ei ystad
Mae dyn o America wedi prynu hysbyseb ym mhapur newydd The Times i hysbysu mai ef yw brenin go iawn gwledydd Prydain.

Yn ôl Allan V Evans o dalaith Colorado yn yr Unol Daleithiau, mae’n ddisgynnydd i Cunedda Wledig a sefydlodd deyrnas Gwynedd yn y drydedd ganrif.

Yn ei hysbyseb mae’n rhoi 30 diwrnod o rybudd i bobol gwledydd Prydain ei fod am ddychwelyd at ei wreiddiau a dod yn Frenin Cymru a Theyrnas Prydain.

Er hynny, mae wedi dweud y bydd yn aros tan i Frenhines Lloegr, Elizabeth yr ail, farw’n gyntaf cyn mynnu cael dod yma i deyrnasu – hynny er mwyn dangos parch iddi hi â’i gŵr, y Tywysog Philip.

Ei ystâd

Dywed Allan V Evans hefyd y bydd yn dod yn ôl i hawlio tiroedd eraill hanesyddol sy’n perthyn iddo, sy’n cynnwys 17 o wahanol ystadau ledled gwledydd Prydain.

“Dyma’r amser i’r Brenin ddychwelyd,” meddai, ar ddiwedd ei hysbyseb.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.