Archesgob – “angen rheoli gynnau”

 

Mae Archesgob Caergaint wedi cefnogi rheolau llymach ar arfau a gynnau, yn dilyn achos Sandy Hook yn yr Unol Daleithiau.

Mae faint o gynnau sydd ar gael i’w prynu, yn gwthio pobol at drais, meddai wedyn, wrth draddodi sgwrs ‘Thought for the Day’ ar Radio 4 heddiw.

Rhybuddiodd hefyd na allai gwledydd Prydain “fod yn rhy ddi-hîd” am y diwylliant gwn a chyllell sy’n effeithio pobol ifanc yr ochr yma i Fôr Iwerydd.

“Mae’n anodd dweud a chanu geiriau’r tymor ewyllys da tra’r ydyn ni’n meddwl am fywydau sydd wedi eu cwtogi’n greulon, a’r golled a’r trawma y mae’r rhieni’n ei brofi.

“Mewn dwy flynedd, mae bron i 6,000 o blant a phobol yn eu harddegau wedi eu laldd gan gynnau yn yr Unol Daleithiau,” meddai Rowan Williams wedyn.

“Yng ngwledydd Prydain, y cwestiwn yw, sut ydyn ni’n ymladd diwylliant gangiau. Mae’n rhaid rhoi i bobol ifanc yr hunan-barch y maen nhw’n ei haeddu, fel nad ydyn nhw’n mynd i chwilio amdano mewn llefydd a phethau dinistriol.

“Yn yr Unol Daleithiau, y prif fater, wrth gwrs, yw cyflwyno cyfreithiau er mwyn rheoli gynnau – un o’r pethau sy’n rhannu pobol yn fwy nac un dim arall.

“Mae pobol yn defnyddio gynnau,” meddai, “ond mae gynnau yn defnyddio pobol hefyd. Pan mae technoleg dreisgar ar gael mor rhwydd, mae’n bosib i ninnau gael ein cyflyru i ymddwyn yn dreisgar.

“Pan mai gwn yw’r unig beth sydd gyda chi, mae popeth arall yn edrych fel targed. Ond os ydych chi’n edrych ar y byd fel plentyn, yn agored ac â chariad, mae yna addewid ym mhopeth.”

Prydain

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed