Leveson: Coulson yn wfftio honiadau ei fod wedi cadw dyddiadur

 


Andy Coulson
Wrth roi tystiolaeth i Ymchwiliad Leveson prynhawn ma, mae cyn gyfarwyddwr cyfathrebu David Cameron wedi wfftio honiadau ei fod wedi cadw dyddiadur yn ystod ei gyfnod yn y swydd.

Wrth gael ei holi gan Robert Jay QC ar ran yr ymchwiliad, dywedodd Andy Coulson nad oedd wedi cadw dyddiadur rhwng 2007 a 2010 pan adawodd Downing Street, ond ei fod wedi gwneud “cofnodion” fel rhan o’i swydd.

Dywedodd hefyd ei fod wedi “mwynhau” gweithio i Rupert Murdoch nes iddo gael ei orfodi i ymddiswyddo fel golygydd y News of the World pan gafodd y newyddiadurwr Clive Goodman ei gyhuddo o hacio ffonau.

Dywedodd Andy Coulson bod Murdoch yn “gefnogol” ond nad oedd eisiau “gwneud gormod” o’r berthynas rhyngddyn nhw.

Roedd Rebekah Brooks yn ffrind, meddai, ond “dydyn ni ddim wedi siarad ers peth amser am resymau amlwg.”

Ychwanegodd  bod y News of the World yn cefnogi’r Blaid Lafur yn ystod ei gyfnod fel golygydd ac nad oedd wedi cael ei “wthio” i ddilyn trywydd arbennig.

Roedd George Osborne wedi cynnal trafodaeth gyda Andy Coulson ynglŷn â swydd y cyfarwyddwr cyfathrebu ym mis Mawrth 2007 – deufis ar ôl iddo ymddiswyddo o’r NotW.

Bu trafodaethau wedyn gyda David Cameron.

Dywedodd bod Guto Harri hefyd wedi cael trafodaeth gyda Cameron ynglŷn â’r swydd cyn i Coulson gwrdd â George Osborne, meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl