Mi fues i’n trafod efo James Murdoch

 


David Cameron
Mae David Cameron heddiw wedi cyfaddef ei fod wedi trafod cynnig News Corporation ar gyfer BSkyB efo James Murdoch yn ystod y cyfnod pan oedd y Llywodraeth yn ystyried y cynnig.

Dywedodd ei fod wedi trafod y cynnig gyda James Murdoch mewn cinio yng nghartref Rebekah Brooks yn Nadolig 2010. Hi oedd Prif Weithredwr News International ar y pryd.

Mi wnaeth David Cameron gydnabod mewn cyfweliad efo’r newyddiadurwr Andrew Marr ei fod wedi creu embaras iddi fo’i hun trwy gael y sgwrs ac awgrymodd hefyd ei fod yn difaru cael y sgwrs o gwbwl.

Dywedodd y Prif Weinidog nad oedd yn cofio pob manylyn o’r sgwrs gyda James Murdoch ond roedd yn ymwneud â sylwadau Vince Cable, Ysgrifennydd Busnes y Llywodraeth ar y pryd, ei fod wedi “datgan rhyfel” yn erbyn News Corporation.

Wrth sôn am yr Ysgrifennydd Diwylliant Jeremy Hunt sydd o dan y lach oherwydd y ffordd y mae wedi delio â’r cytundeb BSkyB, dywedodd Mr Cameron nad oedd yn credu fod Mr Hunt wedi torri’r cod ymddygiad gweinidogaethol, “fel y mae pethau’n sefyll.” Fe allai orchymyn ymchwiliad annibynnol i’r mater ar ôl i’r Ysgrifennydd Diwylliant gyflwyno tystiolaeth i Ymchwiliad Leveson, ychwanegodd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed