Murdoch: ‘Mae’n ddrwg gen i’

 


Mae Rupert Murdoch wedi ymddiheuro i’r rheini sydd wedi eu heffeithio gan y sgandal hacio ffonau symudol wrth roi tystiolaeth o flaen Ymchwiliad Leveson heddiw.

Dywedodd y biliwnydd “sori” 17 o weithiau yn ystod tair awr o roi tystiolaeth – cyfartaledd o unwaith bob deg munud.

Ychwanegodd ei fod yn “ymddiheuro” pum gwaith ac yn “difaru” tair gwaith.

Dywedodd y dyn 81 oed wrth y llys ei fod yn teimlo’n gyfrifol am y sgandal hacio ffonau symudol yn y News of the World, a’i fod yn “nam difrifol” ar ei enw da.

Roedd yn ddrwg ganddo fod cymaint o bobol wedi colli eu swyddi pan gaewyd y papur newydd ym mis Gorffennaf y llynedd, meddai.

“Y cyfan alla’i ei wneud yw ymddiheuro i lawer iawn o bobol, gan gynnwys yr holl bobol wnaeth ddim byd o’i le ond a gallodd ei swyddi â’r News of the World,” meddai.

Ond wrth roi tystiolaeth yn ddiweddarach, dywedodd y dylai fod wedi cau’r papur newydd ynghynt.

“Rydw i’n flin nad oeddwn i wedi ei gau flynyddoedd yn ôl a chyflwyno’r Sunday Sun yn ei le,” meddai cadeirydd News Corporation.

Roedd hefyd yn teimlo ei fod ef ei hun wedi dioddef o ganlyniad i ymgais gan rai yn y News of the World i guddio beth ddigwyddodd yno.

Dywedodd ei fod wedi “methu” oherwydd bod rhaid papur newydd yn “fwy annwyl iddo” gan eraill.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed