‘Sglodyn micro ym mhob ci’

 


Ci a chath
Mae disgwyl i Lywodraeth San Steffan gyhoeddi y bydd rhaid i berchnogion osod sglodyn micro ym mhob ci newydd anedig yn Lloegr.

Daw’r cyhoeddiad wedi ei Weinidog Amgylchedd Cymru, John Griffiths, gyhoeddi ym mis Rhagfyr ei fod yn ystyried deddf fyddai’n golygu bod rhaid gosod sglodyn ym mhob ci yng Nghymru.

Mae disgwyl y bydd ymgynghoriad ar y mater yn cael ei gynnal gan Lywodraeth y Cynulliad yn hwyrach ymlaen eleni.

Y nod yng Nghymru a Lloegr yw bod gwybodaeth am bob ci yn cael ei gadw ar fas-data canolog y mae’r llywodraeth a’r RSPCA yn gallu cael mynediad ato.

Y gred yw y bydd yn ei gwneud hi’n haws i ddod o hyd i ac erlyn perchnogion cŵn treisgar.

Ond mae pryderon na fydd troseddwyr o’r fath yn trafferthu cadw at y ddeddf newydd, tra bod perchnogion cyfrifol yn gorfod talu costau ychwanegol.

“Os nad ydym ni’n ofalus fe fyddwn ni’n gwneud pethau’n anoddach i berchnogion cŵn cyfrifol, heb ddatrys y broblem go iawn sef cŵn treisgar,” medai’r AS Neil Parish, cadeirydd pwyllgor budd anifeiliaid Tŷ’r Cyffredin.

“Mae’n rhaid i ni gadw llygad ar gŵn sy’n cael eu bridio’n anghyfreithlon gan bobol sy’n cymysgu bridiau er mwyn creu cŵn milain.

“Dydw i ddim yn credu y dylid targedu’r cŵn, ond y perchnogion sy’n eu hyfforddi nhw i fod yn filain.”

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer