Profion gyrru – ‘ystyried preifateiddio’

 


Dysgu gyrru - llun y DVLA
Mae undeb yn honni bod cynlluniau ar y gweill i gau canolfannau prawf gyrru ac i breifateiddio’r profion.

Fe ddywedodd undeb gweision sifil, y PCS, eu bod nhw wedi gweld dogfen sy’n dangos bod yr Asiantaeth Safonau Gyrru’n ystyried cau’r canolfannau a defnyddio cwmnïau preifat i gynnal y profion.

Fe fyddai canolfannau cymunedol ac archfarchnadoedd a safleoedd eraill yn cael eu defnyddio ar gyfer y rheiny.

Mae’r cynlluniau’n dilyn astudiaethau gan Lywodraeth San Steffan i gynnig profion gyrru mwy effeithlon ar gost lai.

Mae’r Llywodraeth hefyd wedi bod yn ymchwilio i weld a fyddai’n bosib i sefydliadau eraill yn y sector cyhoeddus a’r tu allan iddo gynnal y profion.

“Mae’r dogfennau yma’n fwy o dystiolaeth fod mwy a mwy o breifateiddio’n cripian i mewn i waith yr asiantaeth,” meddai Ysgrifennydd Cyffredinol yr Undeb, Mark Serwotka.

Mae llefarydd ar ran yr Adran Drafnidiaeth wedi dweud eu bod nhw’n parhau i edrych ar ffyrdd o wella’r prosesau hyfforddi a phrofi, ond nad oedd unrhyw benderfyniad wedi cael ei wneud eto.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones