Dau yn y llys tros achos Raoul Moat

Diweddarwyd  


Raoul Moat
Fe fydd dau ddyn yn y llys heddiw’n wynebu cyhuddiadau ynglŷn ag un o straeon mwyaf dramatig y llynedd.

Maen nhw wedi cael eu cyhuddo o geisio llofruddio plismon a nifer o gyhuddiadau eraill yn ymwneud ag achos y dyn arfog Raoul Moat.

Am wythnos yn ystod yr haf y llynedd, roedd heddlu’n chwilio am y cyn-fownsar ar ôl ymosodiad ar ei gyn-gariad a llofruddiaeth ei chariad newydd hithau.

Yn y diwedd, fe saethodd Raoul Moat ei hun ond fe gafodd dau ddyn arall eu harestio yn sgil y digwyddiadau.

Y cyhuddiadau

Heddiw, fe fydd Karl Ness, 26 oed, o Blyth yn wynebu cyhuddiad o lofruddio Chris Brown, cariad newydd Samantha Stobbart, dau gyhuddiad o gynllwynio llofruddiaeth ac un o geisio llofruddio plismon o’r enw David Rathband a gafodd ei ddallu yn ystod y digwyddiadau.

Fe fydd Qhuram Awan, 23, o Dudley, Glannau Tyne, hefyd yn wynebu cyhuddiad o geisio llofruddio David Rathband ac un cyhuddiad o gynllwynio llofruddiaeth.

Mae’r ddau hefyd yn wynebu un cyhuddiad yr un o fod ag arfau gyda bwriad i’w defnyddio ac o ladrad arfog o siop chips.

Mae’r ddau’n gwadu’r holl gyhuddiadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd